|
|
发表于 2011-5-6 22:21:45
|
|阅读模式
名言：
1.中间分界，升职最快
2.吾系你死，就系我翻吾到屋企
3.唔系猛龙唔過江，唔系豬扒唔化妝
4.拖拖拉拉实食斋，扭扭另另正乸型
5.男人唔去滚，除非身无银；男人唔咸湿，鸡窦都执粒
6.订煲晤订盖，得闲做下爱
7.十蚊三支，饮到白痴
8.情侶好与坏，在乎沟通与关怀
9.不在乎有波有攞，只在乎冇睇妇科
10.10蚊有3件，越着越大件
11.D女好鬼索，条仔超级恶
12.发贴拿精华，红过刘德华
13.早买早享受，迟买多折扣
14.系你鄙视我噶同时，我何尝唔系想一巴刮死你
15.沟女唔使多，最紧要**
16.女人唔滚，男人唔紧
17.你有你拼搏，我有我挥霍
18.纵使日后不能谈情，何妨与他一起露营
19.你对距甜甜蜜蜜，距当你无厘头七
20.痴痴呆呆坐埋一台,昂昂居居围埋一堆
21.我有一份工，果份叫阴功
22.兄弟如手足，老婆齐齐郁
23.撩事斗非当饮茶，比人打到跳chacha
24.你对距如珠如宝，距当你似咸水草
25.唔系衰多口，点会甘出丑
26.招招积积自大狂，比人省到心都寒
27.婚姻是爱情的坟墓，但冇婚姻的爱情就死无葬身之地
28.世上无难事，只要隔硬黎
29.人系无甘容易死噶，但死起上黎真系好容易
30.10个男人9个滚，第10个谂紧去5去滚
31.唔赌唔知时运高，唔滚唔知身体好
32.钱唔系问题，问题系冇钱
33.现在留一腿，日后好****
34.不要拿你的猪头来挑战我的砖头
35.为兄弟可以两胁插刀，为女可以插兄弟两刀
36.我唔系随便嘅人，我随便起来唔系人
37.搏一搏，单车变摩托，又再搏多搏，摩托变饭壳
38.我唔可以俾到你幸福，但绝对可以俾到你舒服
39.赢就赢粒糖，输就输间厂
40.如果太多二奶黎，老婆就無定企；等到老婆翻番黎，二奶又5爭氣
41.男人一有钱就变坏，女人一变坏就有钱
42.你对距痴心一片，佢当你痴九左线
43.唔洗急，最紧要快
44.死八公,賣檸檬;死八婆,賣菠蘿
45.係就快，唔好等下個禮拜
46.你都儍更更食窗框
47.眼大无神,鼻大吸尘,口大正衰神
48.一串光陰一串金, 再串俾人打鑊金
49.得意洋洋, 撼頭埋牆
50.有咩依郁，拿住碌竹
51.肥婆肥腾腾，行到半路屎忽騰
52.我唔会眼白白睇住你跌落火坑噶，我会合埋对眼
53.又怕死 又要做土匪
54.轉走請留言、日後好相見
架勢堂 (森美小儀)
Q: 咩野要掉落水 4 次先會俾水沖走?
A: 雀仔 ( 有隻雀仔跌落水 跌落水 跌落水 有隻雀仔跌落水 被水沖去 )
Q: 黑貓同白貓一齊過馬路 , 白貓俾車撞低, 咁白貓會同黑貓講既第一句說話係咩呢?
A: 喵 ~
Q: 一個女人去隆胸醫生話 : 兩個要1 萬蚊,跟住個女人話太貴, 轉1個, 問要幾錢? 醫生答咩? (估成語 )
A: 一波三折
Q: 牛驚咩植物？
A: 牛 ( 牛{怕}葉)
Q: 有咩島唔係四面環海 , 除左安全島之外 ?
A: 睇5岛
Q: 咩植物識溜冰？
A: 花 ( 花{識}溜冰)
Q: 皇後似咩？
A: 廣場 ( 皇後{像}廣場)
Q: 有一塊火腿同一條腸仔放左落同一隻鑊度，點解佢地唔傾計？
A: 因為佢地未熟
Q: 讀完中五讀乜？
A: 讀下午
Q: 點解唔可以係船上講笑話？
A: 因為個海聽到會笑，咁就會引起海嘯
Q: 食乜野昆蟲會瘦？
A: 蟻 (食蟻瘦)
Q: 用身體上邊樣野可以修飾雙手？
A: 毛髮 ( 毛髮可修飾的一對手 )
Q: 機械人最鍾意扮咩？
A: 扮焦
Q: 1+1 幾時會 =3 ？
A: 錯個陣
Q: 去小明屋企禁極門鍾佢都唔開，最後講左一句乜小明先去開門？
A: 我來自德成
Q: 樹邊部份最得閒？
A: 葉 ( 葉得閒 )
Q: 達文西密碼上面是什麼？
A: 達文西帳號
Q: 世界上最貴既係咩菜？
A: 巴菜
Q: 食得檸檬多會傷架喎，傷咩呀？
A: 傷心囉
Q: 豬肉榮賣豬肉，菠菜蓮賣菠菜；咁衛蘭賣咩？
A: My love my fate
Q: 鯊魚食左紅豆會變咩？
A:紅豆沙
Q: 檸檬最怕咩生果呢？
A:柑 ( 柑橘檸檬)
Q: 小明自己做暑期作業，第二日，佢死左 , 點解?
A: 因為自作業，不可活。
Q: 如果有日你同你女友分手 ... 因為佢移情別戀,同個醫生拍拖
你好鐘意你個女朋友...咁你就日日都送左一樣野比個醫生 !!
希望醫生可以離開你個女朋友, 咁係咩牙 ??
A: 萍果 ( 一日一萍果.. 醫生遠離我!!)
Q: 有咩動物係會撕死條鰻魚呢？
A: 蛇 ( 佘ｃ曼 )
Q: 話說清朝時 , 慈禧太後一直都想長生不老, 於是命人研製長生不老的靈丹,卻失敗。
後來有個外國使者帶埋長生不老的靈丹拜訪, 慈禧太後就問佢靈丹用乜整ge,咁你估佢點答 ?
A: 佢話「 LONDON BRIDGE is falling down(for 靈丹)!」
Q: 1隻雞， 1 隻鵝，1 隻鴨. 分3 支汽水點解分唔勻 ?
A: 婀娜多姿 ( 鵝? 多支)
Q: 魚旦粉有魚旦 , 牛腩粉有牛腩.. 咁咩野粉有雪糕呀 ?
A: seven
Q: 小明綠燈過馬路，點解最後比車撞死 ?
A: 明明綠燈轉眼變成紅燈 .......
Q: 巴斯光年殺左條龍, 後世人幫佢改左個花名.. 知唔知係咩 ?
A: 撒龍巴斯
Q:流星花園首主題曲叫流星雨, 咁陶大花園首主題曲係乜呀?
A: 陶大宇
Q: 咩動物識桌球?
A: 鷹 ( 英式桌球 )
泰文用廣東話音譯(几得意）
泰文「不明白」，用廣東話音譯為「咪溝仔」
泰文同中文一樣，每個字音可獨個读出，而且，有很多若用廣東話說出來，會變成非常爆笑的組合，不信耶？請小心笑死：
泰文「再見」，廣東話唸成「仆梗謎」（「仆」是跌倒仆落地的pug音）
「再來玩」，就系「tell那媽」。
「下次再見」，系「tell那媽卜佳未」。
若不滿意導遊表現，臨散隊前，那導遊還伸手索取「貼士」時，你大可講「下次來玩時，才再給予打賞」；那泰語的講法是「tell那媽high」。
請記住，「tell那媽」本是再來玩」；「high」是「俾錢」。
與「high」音有關的泰語多的是，在食肆內叫侍應生執拾檯面，應說「gapgap high磨任何一位泰籍員工，聽聞此語，定必很樂意急忙地前來打掃的！這還未「頂癮」。
奇怪到泰國玩，導遊總會帶旅客去騎大笨象或騎牛。
泰文「騎在牛背上」的講法，是「kee lung怪」。
「村長」，是「禁lung」。若「村長騎牛背」，就是伎〧「禁lung
kee lung怪」哈！
COLOUR 泰文個音 = 屎
紅色 = 屎靚
白色 = 屎狗
粉藍色 = 屎花
青色 = 屎橋
咖啡色 = 屎諗但
金色 = 屎燙
橙色 = 屎鬆
銀色 = 屎"UN"
紫色 = 屎"MON"
黑色 = 屎"DUM"
七彩 = 你賴屎
你好=SA WA DI KA (写法: )
谢谢=KO PUN KA
美女=水晶晶
帅哥=罗妈妈
先生（比你年纪大的人）=屁
年纪比你小的人 或 服务员（比如我们在餐馆里喊“小妹”“小姐”）=弄 弄
饿了=KUNG KAO
我（女）=长
我（男）=PONG
我叫TONY=长 刺 TONY
我叫TONY=PONG 刺 TONY
我爱你（女）=长 那 可
我爱你（男）=PONG 那 TUO
想=YA
辣椒=屁股
我可以和你谈恋爱吗？=BEN FAN DAI MAI DAI
不要怕=买冬瓜
不要怕鬼=买冬瓜皮
100个粤语烂gat 超超---爆笑
1.李雲迪最怕咩? ---美源髮彩(冇得彈)
2.殺手最中意用咩番榄沖凉? ---殺手锏
3.大明養小明,甘邊個養大明? ---狗(久仰大明)
4.咩動物成世都唔會長高? ---龜苓膏
5.你考第一名個張獎狀叫咩名? ---頭名狀
6.王师奶教整奶黄包,陈师奶教整莲蓉包,咁咩教整叉烧包? ---称寻磨 (称寻磨教叉烧包)
7.有一隻錶如果冇電就要換電啦...有一隻錶會自動加返D電 個隻錶叫咩名? ---回力錶
8.咩豬係得1隻腳? ---珍寶珠
9.咩豬系冇腳? ---珍珠
10.咩豬最乾淨? ---碧麗珠
11.麥兜自己沖涼，估一近代文學作家名 ---朱自清(豬自清)
12.恭喜發財，估一國家名 ---比利時(比利是)
13.小矮人們偷睇白雪公主沖涼,估一種飲品 ---七喜
14.咩粥最鹹濕? ---及第粥(及底粥)
15.咩生果唔打字? ---蕉(不打自招--不打字蕉)
16.咩生果最容易種? ---蕉(中招)
17.咩係最唔保值? ---蕉(朝不保夕)
18.咩毛最普通 --Normal(普通)
19.咩爐最鬼臭? ---多士爐(多屎爐)
20.咩公共地方掠衫最搵自己笨?? ---欄杆(難乾)
21.咩動物最中意同燒賣發生性行為? ---蝦(蝦餃燒賣)
22.電腦鍵盤邊粒掣最靚仔? ---F4(F4...言承旭,周渝民,吳建豪,朱孝天)
23.咩動物最鐘意聞底褲? ---豹(豹聞底褲)
24.咩食物會講大話? ---雪芳蛋糕(說謊蛋糕)
25.咩生果可祝人長命百歲? ---蜜瓜(勿瓜)
26.咩科我地應該唔理佢? ---物理
27.點解呢個世界上有東京、南京、北京但冇西京? ---因為西經比唐三藏拶咗
28.學生最怕食咩魚? ---東星斑(d0n't升班)
29.大雄做錯事,俾阿媽罰跪地三個鐘.呢個時候,叮噹拶咗樣咩法寶出黎幫大雄呢? ---自動柜員機(自動跪完機)
30.點解大家甘討厭非洲人? ---黑人憎
31.有間名牌鋪頭一折大減價，有個女人走左入去掃貨，但佢買完出黎之後就死左,點解? ---抵死
32.點解小瑪和小亞都相信小何? ---亞馬遜河(亞馬信何)
33.蘋果汁係蘋果味，橙汁係橙味，咁益力多係咩味? ---你今日飲左未
34.见到蟹柳要同佢讲咩啊? ---"你唔好扮晒蟹"
35.小白加小白等於咩? ---小白兔(小白Tow)
36.劉備,關羽,張飛,三個人去電影院看電影,後來趙雲來了但是票賣光了.為什麽最後趙雲還是進去看電影了呢? ---關於張飛劉備趙雲.(關羽張飛留俾趙雲)
37.阿拉丁有3個阿哥,佢地叫咩名? ---阿拉甲 阿拉乙 阿拉丙(甲乙丙丁)
38.HK啲肥仔多數姓咩? ---死(死肥仔)
39.邊個高官賑災最叻? ---羅范椒芬(攞飯焦分)
40.猿猴、廢紙、鉛筆，用咩可以將呢三樣也連起來? ---原子筆. (猿紙筆)
41.點解超人件3咁窄? ---因為佢件3寫住"s"(細碼)
42.A、B、C、D、E、F班，邊兩班最難教? ---e同c班(伊斯蘭教)
43.蛇A至蛇Z，邊條行得最慢? ---蛇C(余詩曼"蛇C慢)
44.拉乜野可以學到野？ ---Library(字典)
45.英文有廿六個英文字母，當E同T走左之後，會剩低幾多個英文字母？ ---21 個(ET搭UFO走左)
46.大口仔搽紅唇膏，估一英文生字 ---Direction(大red唇)
47.1-10數目字裡面,邊個數子最懶,同邊個數字最勤力? ---最懶係"1",最勤力係"2" (一不做,二不休)
48.六減二幾時等於零? ---做六噶手勢果時
49.阿明同阿去打劫銀行，但事敗逃亡但d警察追捕果時唔追阿明，淨係死追阿珊,點解? ---喜瑪拉雅山(起碼拉阿珊)
50.花店賣花,電器店賣電器,甘教堂賣咩? ---my god
51.多啦A夢感冒會傳染比邊個先? ---大雄(「野比」大雄)
52.綠豆撞落條柱度,變左做咩? ---紅豆(佢流血,染到變左紅色)
53.綠豆撞鬼,變左做咩? ---青豆(佢嚇到面青青)
54.有鯊魚食左粒綠豆,條鯊魚變左做咩? ---綠豆沙
55.香蕉熟左跌落地,變左做咩? ---茄子(因為條香蕉跌到瘀左,變左紫色)
56.過左一日之後,又變做咩? ---香蕉 (佢散左瘀喇)
57.咩野係最高? ---無比膏(高)
58.有咩再俾第一題o既野更高? ---強力無比膏(高)
59.點解NDS會勁過PSP? ---因為NDS可以屈機
60.點解PSP可以再勁過NDS? ---因為PSP可以屈爆機
61."ABBABAABAABBBBBAABBABBA" (從句子中猜一句問候語) ---long time no see(c)
62.菠蘿係橙黃色 , 咩羅係綠色呢? ---keroro
63.柯南病左 , 有邊個會探佢? ---名偵'(名偵'探'柯南)
64.一隻螞蟻有6隻腳 , 點解佢行過狗屎得4隻腳印? ---有2隻手要叉住個鼻
65.USA個細佬係邊個? ---USB
66.從前左q同右q住埋一齊，後來右q搬走左，結果點呢?(猜四字) ---阻(左)q住晒
67.點解白兔牌吻百蜜隻兔係男仔? ---一d都唔毑
68.狗會「汪汪」咁叫，貓會「喵喵」咁叫，咩會「咕咕」咁叫呢？ ---楊過(成日叫"姑姑")
69.拉登最想炸咩薯?馬鈴薯?番薯?炸薯條?---喬治布殊(薯)
70.A君拎住個熨斗去水務局，B君駕車去公園，C君就戴住頂帽坐監，究竟佢地做緊乜? ---玩緊大富翁
71.點解小明俾人打，佢阿媽係傾面都唔救佢? ---俾人打到阿媽都唔認得
72.一隻蟻究竟用咩方法唔駛1分鐘就由香港去到美國呢? ---地圖上面行
73.鄧麗欣=十分愛, 咁邊個=十分勁? ---藍精靈(藍精靈 十分勁 貪玩貪笑真要命 )
74.廣東出東瓜,廣南出南瓜,廣西出西瓜,咁廣北出咩? ---聲(講不出聲)
75.陳奕迅鍾意邊個,唔鍾意邊個? ---陳奕迅鍾意懷念,唔鍾意綿綿(從來未愛你 綿綿 可惜我愛懷念 陳奕迅-綿綿)
76.咖啡杯同玻璃杯玩踩鋼線,點解咖啡杯會跌左落黎? ---咖啡杯都企不穩(Twins-丟架)
77.冬甩既爸爸係邊個? ---多啦A夢(日文版既多啦A夢主題曲)
78.柴,米,油,鹽 有邊樣野唔係八十年代? ---油(由不是八十年代 Cookies-心急人上)
79.如果獅子黎到要走快四步,老虎黎到要走快三步,咁乜野黎到要走快兩步? ---財神(林子祥的-財神到)
80.足球姓足,排球姓排,藍球姓藍,柔道姓咩? ---柔道姓"誕"(又到聖誕~~又到聖誕~~ 圣誕歌)
81.人心係咩色架? ---黃色(人心惶惶"黃黃")
82.爺爺的兒子是哪一種食物？ ---椰子（爺子）
83.用96猜一種飲品。 ---奶昔（nine,six）
84.用2.4.6.8.10猜一種食物。 ---蓮藕（雙數又稱偶數，題目的數字是連續的偶數）
85.有個人叫集擊,佢識左個新朋友,個朋友叫咩名呢? ---自殺(自殺式集擊)
86.咩係唔可以雪凍既呢?? ---秘密(不能"說"的秘密)
87.點解豬咪咪唔可以"SOR"頭?---"不能說的秘密(普通話讀)"
88.有個人拆左飛機上面個廁所DUM落黎`-點解?---因為佢係癡線的
89.有個ah婆無端端死左`-點解? ---因為比岩岩DUM落黎個廁所`擇'死左呀
90.為什麼放煙花時不會射到天上的星星? ---星星係會"閃
91.為甚麼黑人愛吃白巧克力? ---怕咬親自己手指
92.一千年前是過去，一千年後是什麼 ---現在(一千年前的一千年後)
93.有三种動物在奧運會比賽三級跳，它們是猴子，狗和袋鼠，你估誰會贏？ ---猴子,因為三級跳一定要單腳起跳,其他兩隻動物都唔識單腳跳
94.有乜野慘過食舊屎? ---食兩舊屎
95.郭富城唱咩歌？唱"這歌"；去中國唱咩? ---"唱"人民幣
96.米噶鄉下系邊度? ---“鱼”(鱼米之乡)
97.暗恋米噶人系邊個? ---炊(无米之炊)
98.米噶学名系咩? ---老鼠(米老鼠)
99.米唔系蝶噶亲生女,點解? ---米噶亲爸是海(海上花)
100.咩動物最串? ---羊(叫聲-咩)
黃子華金句 加长版
『唔使騰，No problem!』
『世事無絕對，只有無頭緒!』
『奧~賣~割』
『凶險界女長人!』
『若要人不知，唔好太低B!』
『四個字：關你乜事?』
『哩 D and gen塗文!』
『呢D & jer騰文!』
『劈、"偶"、插、打、搣 !』
『隨口up,冇秘笈 !』
『咩啊(Mia)!』
『唔好叫我阿SIR，叫我莫探員!』
『越大隻，越抵錫!』
『名劍風流，大劍下流!』
『一個完美既淫婦必需要唔似一個淫婦!』
『我set左個局，I set you up!』
『酥皮vs 冰皮 絲絨奶茶!』
『我唔信詛咒可以殺人，除非你近距離三日三夜係咁同個個人講：咁多人死你唔死...
咁多人死你唔死...!』
『賣保險既性質係乜野?就係每日同人講：呀生，你聽日會死架喇喎，後日會死喎，你
呀爸又可能會死架喎!快d黎買保險!』
『真係佛都有火!』
『日行一善，日殺一人!』
『男人鬥女人，女人鬥大等!』
『呀嬸口服液!』
『你腦缺鈣呀!』
『師奶，快d安慰下呢位死者…唔係，係小姐!』
『花仔黃小華!』
『有目標，冇撻Ｑ!』
『剷草驚蛇!』(打草驚蛇)
『人生啞鈴你生啞鈴!』
『問世間情為何物，令到我死唔斷氣!』(jamjam)
『我相信正義必勝!』
『你瓜我唔瓜大瀑布!』 (李慧慧)
『你地D女人，有又嫌冇又煩!』
『唔在乎你有無俾人奸，只在乎你交唔交到單!』 (李慧慧)
『乜屎水都要煲架咩?叮番熱呀?』 损人先利己,打赢靠暗器 若要人不知...唔好甘低B.... 得闲奸一奸，大病都好翻 你唔丑，你点算丑啊，你係块面唔多实用咁解嘛，你嘅鼻台太大，啲眼耳口鼻咪唔见使咯 处男系无资格自杀嘅！ 如果你没有时间谈情。。就请你跟我露营。。 错就要认！要对方认！！！ | 损人不利己,不如跳井死~~~ 有恩不报未算差.....有仇不报正人渣.... 三十六着，恃强凌弱 江湖一滴血.. 不對外人說.. 如對外人說.. 日夜流鼻血.. 只要有泳衣，死左都有得医~~~~出自《男亲女爱》 你爱的,得吴到.你吴爱的,你甩吴到 你返去同日本人讲~~钓鱼台我地中国的! 你好巴闭咩？我够有3个C咯，CHEAP、CHEAPER、CHEAPERPER——出自《男亲女爱》 佢畀份人工你，一半係畀你做嘢嘅，一半係畀你受氣嘅 | | | D猪扒令到我哋D男人好唔安乐 但却令到你哋D女人好快乐 |
| | buffet 不妨太过份.出猫不要太高分我有一份工...叫做阴功化妆叫make up，女人唔单止俾个make up你睇，仲要俾埋个making of你睇喺爱情之中，女人最伟大！男人嘅牺牲，就为咗追求美丽；而女人嘅牺牲，就只系得到一个麻甩佬！而最伟大嘅系佢哋根本唔觉得系牺牲。 我第一次恋爱之前，我嘅小龙女只需要一个条件，就系靓，我知我咁样谂好肤浅，但系嗰阵时我重细，唔知道原来身材都好重要架。
杀人放火金腰带 今次悟得帮你挽鞋! 唔该你失恋就唔好唱情歌啦,失恋唱情歌即系漏煤气,你关窗姐 好多人結婚，最初就以為自己係婚姻嘅用家。後來先發覺自己係感情嘅炒家，於是想離婚。 但係離婚又要攪幾年，睇住周街都係新盤靚盤，自己個盤又放唔出，幾難受！ 我從小就知道，我係一個偉大嘅演員。 人哋細個成班細路群埋，鐘意玩扮結婚，扮爸爸媽媽。我細個，就鐘意扮姦夫淫婦。 但係唔知係咪我個樣比較老實，我係從來都冇機會扮奸夫。每次我都係扮淫婦......嘅老公。 雖然係咁，雖然，我亦都係成班人之中最細嗰個。但係我已經可以將一個妒忌嘅男人心態表現得淋漓盡至。 當然，我啲朋友個個都讚我，話我天生出嚟，就係戴綠帽嘅。
情窦未开
我第一次恋爱之前，我认为自己就系杨过。而我同书里面个杨过唯一唔同嘅地方，就系佢有只大鵰。
我只需要爱情，只要搵到我嘅小龙女，我就可以抛弃学业，退隐山林，搬入新界住。但系我一定要住西班牙别墅，我唔住得村屋，我怕蛇虫鼠蚁。
然后每个月至多出一次市区，不过我唔会逗留得耐，问亚妈攞完零用钱我就会入番入去。
冇错，基本上，我由中一至中五都系喺呢种咁超然嘅思想下度过。
嗰阵时学校最流行嘅辩论题目系：“中学生应否谈恋爱？”我认为，我哋应该辩论嘅系“中学生应否读书？”而喺我第一次恋爱之前，我嘅小龙女只需要一个条件，就系靓，我知我咁样谂好肤浅，但系嗰阵时我仲细，唔知道原来身材都好重要嘎。
爱情
恋爱唔系PART-TIME，你唔可以话：“爱！做完咪走啰！”恋爱系一盘生意，你要二十四小时谂住佢。自己生意，冇所谓PART-TIME正识。人哋放假或者过年过节，你更加要开OT添。行花市啦行海边啦睇戏食饭啦……你有乜嘢竞争对手呢？我冇竞争对手？！你估你系专利巴士公司啊？港巴都执咗啦！有冇考虑结婚？咁就要向公众交代，咁就即系上市啦！所以，“中学生应否谈恋爱”唔系问题，问题系“人类应否有两份全职工作？”你再拍拖，需要知会你老闆：“老细，我出面搵咗份恋爱，我真系好需要呢份恋爱，不过公司啲嘢我会照做，我兼顾到嘎。”然后你老闆会话：“咁你不如搵多份恋爱，咪直情唔使番呢份工啰！”
女人伟大
系爱情之中，女人最伟大！
男人嘅牺牲，就为咗追求美丽；而女人嘅牺牲，就只系得到一个麻甩佬！而最伟大嘅系佢哋根本唔觉得系牺牲。
如果你话畀一个女人听，喂，你男朋友有口臭！
张：车，人梗有局部缺点嘅！
黄：佢仲有臭狐同香港脚喎！
张：咁佢咪好平均咯！
黄：佢啲鼻鼾声唔使搅咪啊！
张：我男朋友一定系梦见我，我开心。
黄：佢屙尿乱咁啡！
张：好壮啊！
黄：佢啡完唔洗手！
张：边有男人洗手嘎！
黄：我有！
张：乸型！
黄：佢仲讲粗口啊！
张：但系佢心地好！
黄：佢系电梯度食烟喎！
张：公众场合都唔畀食咯，佢咪呢埋一边食啰，你哋仲想点啊！你系咪想逼死佢？！系咪想逼死佢？！呜～～～
责任何在
如果你话我听，因为我唔靓仔，所以唔可以做戏，你唔应该话我听！因为唔关我事，我唔应该负呢个责任，你应该同我父母讲，系佢哋搞成我咁嘅。如果你要罚，应该罚佢哋。以后，边个丑样，就罚佢爸爸妈妈唔准做戏！或者剩系做茄呢啡！
我唔系一个唔负责任嘅人，为我爸爸妈妈嗰短短一刹嘅快感，我已经负责负咗廿几年。你估做我好易做啊？
我细个读书唔好，或者唔合格，我冇要父母负责。我自己签晒啲成绩表嘅。
每当我爸爸妈妈有争执闹交嘅时候，我有冇叫佢哋为咗我嘅童年着想，忍下对方？冇！我叫佢哋出街闹！
我大个咗，唔知应该信边个宗教，唔知做人为乜，唔知人生事业嘅方向都冇要求父母照顾我。
反而系我调番转头，提醒佢哋：你哋要搵钱啊，积穀防?#124;啊，唔系第日老来无依无靠啊！
乜嘢都系我！
男仔唔驶靓仔
靓仔系唔系真系咁重要啊？有啲人话男人唔驶靓仔嘅，有才华咪得啰。
系，你有冇试过带你嘅才华去落disco识女仔啊？人哋啲靓仔一行入去，唔使二十分钟，就已经同啲女仔互相问问题：“你度定我度？”我带住我嘅才华入到去，几艰难先搵到个女仔肯畀个机会我。唔系畀机会我交换问题，而系畀机会我天才表演。
唱歌跳舞做话剧讲大话功夫表演，成套欢乐今宵一个人做一次…… 演戏天份
我从小就知道，我系一个伟大嘅演员。
人哋细个成班细路群埋，钟意玩扮结婚，扮爸爸妈妈。我细个，就钟意扮奸夫淫妇。
但系唔知系咪我个样比较老实，我系从来都冇机会扮奸夫。每次我都系扮淫妇……嘅老公。
虽然系咁，虽然，我亦都系成班人之中最细嗰个。但系我已经可以将一个妒忌嘅男人心态表现得淋漓尽至。
当然，我啲朋友个个都讚我，话我天生出嚟，就系戴绿帽嘅。
死亡
细个嗰阵，我系唔怕死嘅。
我觉得，系以前啲人先会死嘅。系历史书里面嘅人至会死。好多人唔明历史有乜用，历史咪话你听边啲人死咗啰。
我从来未睇过一本历史书有提到黄子华呢个名，我点会死啊。最紧要系，就算死都唔系乜嘢一回事。
细个嗰阵隔离陈师奶成日叫佢老公：“咁多人去死你仲唔去死？”然后去完番嚟,阿陈师奶又会话：“死番嚟啦，唔死多阵添？”所以我一路都认为，去死，即系去街，同埋一定唔会去好远。因为阿陈生每次都好快就返嚟嘅。
泳池
黄：去公众泳池嗰啲唔系叫做游水，嗰啲叫做浸水。因为喺公众泳池游，只可以用一种泳式，就系弹式，同一个位，弹下弹下。
张：如果系高手可以用式，但系要潜落水底嗰度用。
黄：点解香港啲泳池咁鬼逼嘅呢？
张：唔好问啊，趁人多你好快啲浸下。等阵所有人上晒水嗰阵，你就会发觉，个池啲水原来到膝头哥嘎咋！你去浸脚指啦，下次。
黄：其实我哋香港人都习惯咗人多，去浸下水都好。但系可惜嘅系，呢啲水，唔系一般水，呢啲系暖水！你成日喺泳池度，你会发觉有啲人，全身唔喐，眼碌碌。
张：哦！你喺泳池屙尿，咁冇公德心！由细到大我老豆都教我嘎啦,急尿，去隔离池啊嘛！
黄：所以我喺度，趁呢个机会，同你啲儬仔讲啊！游游下小童池就走过嚟大人池，擒喺个池边，唔好话我听系学游啊！
张：特别系擒正喺喷水口嗰啲啊！想毁尸灭迹啊！
金捞
点解要带金捞？唔带捞，有乜资格同人讲，时间系宝贵？我嘅时间点值钱呀？（你话系唔系先）
嗱，支时针围住行一个圈，12个钟，十几皮嘢，即系为皮几嘢一个钟。你一个钟值几钱啊？
几旧水？我点同你一齐食饭啊，大家时间观念咁唔同！
唔单止咁，你带捞，表示你个人有幽默感。劳力士，有边个靠劳力搵食嘅人带得起劳力士啊？越带劳力士嘅人就越表示佢唔使用劳力！呢啲，就叫做幽默感啦。
女爱情观
女仔对爱同钟意有好大嘅分别，如果个女仔知道个男仔钟意佢呢，佢都会同佢去下街，睇下戏，食下饭，但想做进一步嘅嘢就唔得啦。
而女仔知道个男仔爱佢嘅时候系绝对可以付出更多。喺女仔心目中，钟意等於“帮衬”。
但爱喺女仔心目中等於“收购”，收购包括“注资”，然后“合并”……（系呀，系呀！）
所以女仔要男仔将佢嘅爱注资落嚟，嚟护口注资落嚟，最重要嘅系嚟钱注资落嚟。
然后去买Joyce啦，Panda啦，Gueeo啦，买到一身都系，等佢认为可以巩固佢自己嘅价值，但佢哋系绝对冇得到男方嘅同意嘎！
嗱！我宜家同你哋讲啊，你哋嘅黑箱作业，好容易破坏男方嘅经济嘎！（你哋都好有共鸣啦）
男爱情观
男仔对爱就好随便，爱同钟意都冇分别，只要佢知道你钟意佢，即刻可以带你番屋企，或者去你屋企。
系唔系男仔心中冇爱呢？我觉得又唔系喎。系佢哋比其他人更清楚爱嘅定义。爱系乜呢？根据耶苏嘅讲法系：“爱系恒久忍耐又有恩赐，爱系不张狂，不大唤，不作害羞的事，忘记别人的错。”你话啦作为小小男人嘅我哋又点可以随随便便同你讲声爱啊！
所以以后有人同你讲爱，一就系佢讲大话（加强语气），二就系有个耶苏喺你面前啊。
但耶稣主张爱人如己任，博爱嘎！
迷惘
喺公司，老板会同我讲：“你番嚟唔系瞓就系去厕所，你当呢度系屋企啊，呢度系公司啊。”我番到屋企，阿妈又会话：“你仲当呢度系你屋企咩，你番嚟唔系霸住个厕所就剩系识瞓！”咁……咁我番屋企又唔瞓觉又唔去厕所，番公司又唔去厕所唔瞓，咁我呢啲嘢去边度做啊？
不过后嚟我谂过自己又系过份啲嘅，于是我就痛改前非。以后番屋企我就剩系瞓觉，番公司就剩系去厕所。
儿童教育
我一向都认为，我哋成日呃啲细路仔，懒系nice咁对佢哋，讲到呢个世界乜嘢都好好咁，咁系唔啱嘅。（何解？）
细个我同妈妈搭飞机，睇见厕所嘅水系蓝色，我未见过，咪走去问妈妈嗰啲系乜？妈妈话：“系天空。”所以我就成为世界上第一个食过天空嘅人。
细个啲大人成日讲童话讲白雪公主。（你都听过啦）佢哋讲嘅就系白雪公主又靓又好人，好值得去追求。
但系冇讲到我哋唔系白马王子！边个人至系白马王子啊？起码有只白马啦。咁就即系马主啦，你话系唔系啊？
讲啲唔讲啲好危险嘎。即系等如你同个细路仔讲：“小明啊，飞出窗口好过瘾嘅，成个香港望晒嘎，浮下浮下……”但系唔同佢讲：“不过你落到地下个阵，会快过搭电梯好多！” 用家炒家
好多人结婚，最初就以为自己系婚姻嘅用家。后来先发觉自己系感情嘅炒家，於是想离婚。
但系离婚又要搅几年，睇住周街都系新盘靓盘，自己个盘又放唔出，几难受！
 |
|
|
|
|
|小黑屋|手机版|Archiver|广青启智服务总队、启智社会工作服务中心——志愿者协会义工、公益爱心网，咨询电话：1986-001-1205【联合国会议通过：1986年12月5日是第一个国际志愿者日】（办公时间10:00-17:00）
( 粤ICP备11064003号★★工作再忙，也要及时行善★★【做合格党员，做志愿者，做合格公民，做志愿者】 )本网站实行严格审核加入制度，如果你无法注册发帖，请咨询QQ群：102626，邮箱：qizhi@1205.cn
，联系电话：1986-001-1205【联合国会议通过：1986年12月5日是第一个国际志愿者日】（办公时间10:00-17:00）
IP卡
狗仔卡
