|
呢篇文章。。
關于一嗰地方。。
關于一嗰我生活咗差唔多二十年既地方。。
果嗰地方。。就喺我屋企。。
廣州。。
廣州。。
好溫馨既詞。。
好熟悉既兩嗰字。。
由細到大。。
我為我自己喺一個廣州人而感到驕傲。。
到呢一刻。。都喺!
廣州。。作為省府。。
中國三大城市之一。。
歷史最悠久既城市之一。。
依傢。喺外人口中。喺咩樣?
冇文化。冇禮貌。野蠻。
但喺。事實喺咪咁呢?
西關。衆所週知。廣州最有歷史既地方。
青磚老屋(所謂既西關大屋)能夠透氣。歷久常新。
但喺唔知咩人就話佢喺破舊。不雅。影響市容。
喺都要油油漆。結果牆冇辦法透氣。以至倒塌。
咁究竟喺咩人冇文化?
廣州人三五知己。閑話傢常。
卻不只一次被莫名申訴。“講普通話”
正所謂入鄉隨俗。
我地用本地方言溝通又有咩唔啱啊?
喺咪人善被人欺。馬善被人騎啊?
又唔見有人衝去上海。對住兩嗰用上海話傾計既女人話“講普通話”
咁究竟喺咩人冇禮貌啊?
弘揚傳統由細做起。
推普冇錯。
點解要學D咩9唔搭8既京劇。
而唔喺就喺我哋身邊既粵劇?
但喺點解要強製學生喺課餘時間都講普通話啊?
唔講就罰?咁同國傢既推普冇任何既聯繫啊!
推普唔等于廢除當地方言啊!
咁究竟又喺咩人野蠻啊?
曾經有朋友喺我面前講廣州。。
講廣州治安勁差。
講廣州交通混亂。
講廣州環境汚染犀利。
講廣州車多人多。週圍都擁擠。
冇錯啊。我都承認。
廣州的確有好多地方需要改善。
有人話食在廣州。廚在順德。
有人話珠海靚過廣州。
有人話東莞有錢過廣州。
有人話深圳發達過廣州。
有人話香港文明過廣州。
但喺。我更加愛我既廣州。
我懷念既。喺行上白雲山。然后坐喺魔星嶺睇飛機起飛降落。
我懷念既。喺行喺上下九。睇到好多老字號。有人喺街中間賣公鷄欖。
我懷念既。喺一條條既舊路。一副副充滿人情味既面孔。
我懷念既。喺星期日朝早。會成屋人由屋企行半嗰幾鍾去小官園飲茶。然后去東湖公園玩既日子。
我懷念既。喺夏天。每一間屋企對出都會有人拿住葵扇。坐喺張凳仔上面吹水。
我懷念既。喺街邊。一間間既機室。一檔檔既牛雜。臭豆腐。鷄蛋仔。
我懷念既。喺摩托車。單車。前後兩節既公共汽車。雙層巴士。
我懷念既。喺每次考試考得好。媽咪都會買屋企附近一間燒臘鋪 三蚊一只既大雞髀。
我懷念既。喺我每次跟爹哋去唔同地方縯出。睇住粵劇帶俾觀衆既快樂。而我。總可以喺觀衆席度訓著覺。
我懷念既。喺一個真正既廣州。原本既廣州。
我喺由廣州市中山醫科醫院出世。
我既幼兒園喺黃花崗幼兒園。
我既小學喺農林下路小學。
我既中學喺48中。
我由細到大都生活喺東山區。
冇錯。。喺東山。。
依傢。雖然我已經離開咗廣州。
喺一個陌生既地方打拼。
但喺我牽掛既。始終都喺呢嗰廣州。呢嗰東山。
因為只有呢度。先喺我屋企!
屬于我既根。亦只有呢度有!
生喺廣州人。死喺廣州魂。
就算點變。伱都喺我屋企。
就算點變。都改變唔到我對伱既呢份情。
我為我自己身為一個廣州人而感到驕傲。
我將來既老婆。亦一定只會喺廣州人。
因為。廣州人。廣州情。永不變! |
|