|
|
楼主 |
发表于 2007-8-20 21:56:21
|
|阅读模式
18号早上5点半，尚与周生亲热中，突然PATPAT比人踢左几野，跟住就夹硬比人称左起身，游魂甘食完早餐，打左部的士就直奔地铁站，事关有两个靓女等紧我喇~~
话甘快就到左以太广场，会合埋其他几位团友，就准备出发了。本次活动一共有11位组员参加，分别系车车、WING、香水百合、静雯、黑夜、食王、训哥哥、叮当、小薇、林花音，当然仲有我呢个组长啦！
好啦，由于时间的关系，我地就忽略去的过程喇。系过关的时候，好鬼多人，仲多人过派米，条人龙深不见底。甘百无聊赖，梗系做下自我介绍啦。唔知系咪因为靓女多的缘故呢，我地食王先生介绍自己的时候好紧张，食晒螺丝，口窒窒甘话：“我、我、我叫色~~狼呀！”“吓？色狼？哦，食王！”以后大家就唔可以再叫他食王喇，叫色狼拉！哈哈哈哈哈哈！
好唔容易过左关，大家都已经身水身汗、饥热交迫，于是就急急脚赶去我地既美食第一站，官也街！
首先我地去左莫羲记食左超级好味的榴莲雪糕，好香榴莲味，好似食紧成个榴莲甘。但系个大菜糕就无咩味喇。如果唔中意食榴莲，芒果都好正噶！
跟住就系远近闻名的诚昌饭店，好多明星都系度食过。水蟹粥一放上来无咩特别，但勺起就立即闻到蟹香，无乜味精，D蟹膏完全融入D粥度，好鲜甜。仲有点左个墨鱼丸，不过感觉就一般。
然后我地就过左去地堡街，由街头扫到去街尾。食左燕窝蛋挞、鱼翅捞面、仲去左木偶餐厅食葡国菜。话说木偶，系一间老字号的葡国餐厅，基本上住系澳门的人都识架喇！私人认为葡国菜的味道有D怪，但个马介休球就好好味，系用马介休（澳门特产的一种咸鱼）同薯肉整埋一齐炸的，好特别。
出来之后，梗系要整翻个甜品啦，驰名的沙度娜木糠布甸就系隔离。拿拿林买左个原味的，好正，好浓郁的芝士味。
饱晒，几乎行唔郁~~~
最后，去完大三吧买手信就顺手去赌厂场见识下啦。有位仁兄赢左几百蚊未请我消夜哇。仲有一位仁兄就好大方甘请左啊何生饮茶。
今次旅程，虽然发生左唔少惊险的事件，但都玩得好开心，差D想玩多日呀，希望下次我地继续一起觅食啦！
|
|
楼主: 启智美食小组
发表于 2007-8-22 09:24:40
|
发表于 2007-8-22 12:08:08
|
|小黑屋|手机版|Archiver|广青启智服务总队、启智社会工作服务中心——志愿者协会义工、公益爱心网，咨询电话：1986-001-1205【联合国会议通过：1986年12月5日是第一个国际志愿者日】（办公时间10:00-17:00）
( 粤ICP备11064003号★★工作再忙，也要及时行善★★【做合格党员，做志愿者，做合格公民，做志愿者】 )本网站实行严格审核加入制度，如果你无法注册发帖，请咨询QQ群：102626，邮箱：qizhi@1205.cn
，联系电话：1986-001-1205【联合国会议通过：1986年12月5日是第一个国际志愿者日】（办公时间10:00-17:00）
IP卡
狗仔卡
