|
|
經過前幾日嘅大雨洗禮之後,當日廣州天氣又翻到夏天嘅感覺,好熱!當日動物園异常多人,可能今日係建軍節呱.比我前幾次去動物園仲要多人.
當然,人多,垃圾就自然多.我中午由管理處行到去熊圈,一路行一路撿垃圾.
言歸正傳.
首先係非常之多謝當日參加動物園嘅志願者.呢次參加活動嘅各位志願者,都做得捂錯,不過有幾個問題需要分享下.
1.當日動物園人多,好多游客依然存在投餵動物嘅現象,但有D游客準備投餵嘅時候,被我哋志願者上前勸導.但勸導之後,仍然投餵動物.關于呢個問題,志願者勸導游客要有一套方法.我哋捂可以單單只勸導游客"請勿投餵動物"咁簡單,我哋要俾游客知道,投餵后嘅後果.起碼有一個理由捂俾佢哋投餵動物,咁樣可以更加說服佢哋.例如:投餵動物會影響到動物嘅健康等等.但,如果遇到蠻不講理嘅游客,就要用另外嘅方法去應對了.我梁小東嘅做法就係,要當衆人面進行批評,讓對方知道錯誤.當然,這個方法是否適合,要看大家嘅想法了
2.關于教導要從小朋友做起.有志願者講起,勸導游客捂好投餵動物,需要從小朋友抓起.小朋友嘅接受同學習能力比大人强.而且小朋友會更加關注到我哋志願者手上嘅旗,上面寫住"請勿投餵動物".我哋可以向小朋友宣傳,幷且教導.
3.人多垃圾多.我哋動物園嘅服務點都係廣州驕傲所屬.廣州驕傲係以宣傳環保爲主.當然,我哋捂可以只顧住宣傳捂好投餵動物而忽略咗環境衛生.當日好少人會向游客宣傳注意環境衛生,切勿亂扔垃圾.以後要注意下.關于我哋撿捂撿垃圾.當然我哋工具入邊有"鉗"呢様工具,咁當然,有垃圾我哋都要力所能及咁撿.但更加要以宣傳爲主.我建議當游客扔垃圾嘅時候,請游客自己撿翻,丟入垃圾桶,如果游客不聽從,再我哋自己撿.
4.我們是否應該對投餵動物嘅游客進行處罰?要知道,我哋只不過係志願者,我哋冇處罰權利,我哋只可以做阻止同勸導嘅工作.咁當然首要條件就係做好呢一點.
咁呢度,想分享下幾點建議.
1.志願者企點,建議一個點留守2-3個志願者,一個負責用喇叭宣傳"請勿投餵動物",另外嘅志願者可以對D無視宣傳嘅游客進行面對面嘅教導呢D工作.
2.志願者儘量不要離開自己崗位,當日因爲口渴,冇水,離開崗位去斟水.建議志願者帶個大一D嘅水瓶裝水,巡園嘅志願者多D經過下有志願者嘅點,幫佢哋斟水.
希望各位參加動物園服務點嘅志願者可以再接再厲,做好相關工作.我們沒有做到最好,只有做到更好 |
|
IP卡
狗仔卡
发表于 2010-8-2 21:15:36
提升卡
置顶卡
沉默卡
喧嚣卡
变色卡
显身卡
发表于 2010-8-2 23:06:25
楼主
