亚运城市志愿者，期待你嘅参与......

xiao173yao

我喺第一次参加亚运城市志愿者嘅，之前喺亚城官网上面注册咗，但系一直都冇时间去参加活动，呢排亚运期间，单位D工作少咗少少，就想参加志愿者嘅工作啦，但系发觉貌似唔知系边度报名参加城市志愿者，10分冇瘾...后来睇到启智发嚟嘅短信话急招亚城志愿者，于是嗱嗱霖上启智论坛报名 ，费事到时名额已满...果晚黑去培训，连饭都未食，放咗工之后就山长水远咁去咗华工培训...饿 ...足足培训咗N个钟  ，不过到最后都做到城市志愿者，兼且第二日上岗，开心ing...

第二日，我就企系市委门口，一分钟...两分钟...一个钟...开始都OK嘅，但系越企越攰... 惨啦，好鬼攰添，点算啊...但系霖起我系一个城市志愿者，我代表嘅系广州嘅形象，死人都要顶硬上... 意念支持，足足企咗八个钟...但系期间见到D街坊、鬼佬，同埋自己友嘅鼓励，都几开心噶....

我一路做咗3日，全部都系用休息嘅时间嚟做嘅，觉得企系度都几系嘢噶，呢家行路只脚都有D痛，但我都系觉得要坚持落去，唔单指系为咗我承诺嘅时数，而且系为咗为广州亚运出一份绵力，更加为咗第日同我D儿孙讲，我曾经为亚运出过一分力，亚运有我嘅身影、有我嘅汗水...等我嘅儿孙为我而自豪....

虽然，广州之后可能仲会有奥运、世博等等嘅盛会，但系学柴九话斋，人生有几多个十年，衬你仲有气力果阵，去体验一下呢D激情，唔系后悔都嚟唔切...

噢....写完，好惊好惊领导突然杀到，比佢发现我上网，咁就扑街啰...不过都好开心，可以写完呢篇嘢，同时希望可以多D见到新嘅志愿者加入，皆因呢家真系好缺人，有D路口都唔够人企.....

落班噜，我要去做志愿者啦...

09D540-滴水

辛苦了

天天

加油，我都是啊，我已经是第四天了，都是8个钟，还是很多人可以认可我们的服务，还会对我们说辛苦了，真的是给了我们很大的鼓励，我志愿我快乐！我要坚持！大家加油！

刘四斌

8个小时是很辛苦；我知道，我们要继续加油，

振刚.^

加油吧.孩子

肥芬

加油啊！！