|
|
楼主 |
发表于 2009-10-30 14:49:21
|
2、家 日
李慧慧盘坐沙发，煲电话粥。
李慧慧：系系，我职场IQ就39岁，情场IQ就19岁，咁咿家点啊，高手？佢都唔打我电话。
张若琳：去案发现场啊嘛，讲唔定佢住喺附近呢。
3、大街 日
李慧慧有些尴尬地张望途人。
[旁白：习惯摆谱的李慧慧算是领教了，原来主动出击，是那么的考验脸皮。]
忽见远处围着一堆人。李慧慧走过去。扒开人群，只见赵清泉和几个男人都蹲在地上，手反铐在背后。
黑衣贼冲一个穿便服的男人告状：阿sir，佢系贼！偷我嘅荷包，俾我哋捉到正。
赵清泉：佢哋先、先系贼！我上、上个星期捉到佢偷嘢，佢就话要、要报复，今日我攞住份文、文件返屋企，佢哋就冲、冲上来打我！好、好彩撞到你哋。
李慧慧凑上去看清楚赵清泉。
李慧慧：真系你啊，阿生？
赵清泉惊喜。
李慧慧忙对便衣说：“佢唔系贼，我证明！”举起右手作报告状，又掏钱包，说：“佢就系帮我抢番呢个荷包。”，又看清楚黑衣贼，喊：“就系你！偷咗我嘅荷包！”冲警察：“我证明佢系贼！”
白衣贼装无辜：冇屈我哋?，我懂法嘅，我过证明你哋系贼啰。
黑衣贼：阿sir，摆明佢哋就有路啦！（下流地瞄李慧慧胸部）都唔知系咪做鸡嘅，验佢身啦。
赵清泉急。
李慧慧：你哋班垃圾真系心理变态咖啵，点啊，俾人闹做贼，嬲啊，要反咬啊，低B！肯同你哋系一齐嗰啲女人先系鸡！继续讲贼同鸡啊，继续自打嘴巴啊。
赵清泉喜。
黑衣贼涎着脸：你系鸡，你系鸡。
人群有人喊：班死贼仔！打死佢哋！
人群冲上去对贼和赵清泉挥拳起脚，李慧慧喊：“唔好打佢，佢系好人啊！”几个便衣也好言劝众人。现场乱作一团。
4、街心公园 傍晚
傍晚，两人从派出所出来，疲惫地走进街心公园，坐下。赵清泉拿出名片，写着什么，李慧慧注视他。
[旁白：喧嚷了一天，两人才走出派出所。因为证据不足，贼被释放。而贼的诬陷，也并未得逞，可惜的是，赵清泉遗失了一份文件。而让李慧慧感觉安慰的是，赵清泉终于说出联系方式，还告诉她，自己的网名是独狼，孤独的狼。]
李慧慧：球先班市民，都唔睇清好人奸人，就打。
赵清泉：有啲可能系贼嘅同伙。
李慧慧：怪唔得之啦。群众实帮好人嘅嘛。
赵清泉微笑：如果唔帮呢？
李慧慧丧气：英雄真系难做啊。班贼仔仲要咁狼死，真系得人惊啊。
赵清泉冷笑：有咩咁得人惊，一班茅贼。想诬陷我？得咩？！
李慧慧：如果今日唔系撞岩我，你会点啊？
赵清泉：就算坐监，都会真相大白。
李慧慧：如果白唔到呢？
赵清泉平静：问心无愧，死而无憾。
李慧慧：你点解肯付出咁大嘅代价呢？
赵清泉垂眼：我老婆（李慧慧惊）……之所以会死（李慧慧情不自禁露出喜色，又马上肃穆起来）……都系因为呢班偷嘢抢嘢嘅垃圾。
（黑白闪回）
赵清泉在走廊疾走，推开太平间，只见白床单上隐约盖着一个人，他慢慢走近，泪下。
[赵清泉画外音：有个劫匪箍住我老婆嘅颈，要抢佢手袋，我老婆唔松手，即刻就俾捅咗几刀……]
路人调头而去，店铺员工摇头，（慢镜头）
[赵清泉画外音：好多人经过，冇一个报警call白车！……周围士多啲人，明明见到，都唔敢指认劫匪。]
赵清泉举着牌子在街上走。上书：求目击证人。感恩不尽，重酬。
[赵清泉画外音：足足两年，破案嘅希望越来越渺茫，我死咗心。直到嗰日见到个贼偷你嘅嘢，我卒之知道应该做咩。]
（闪回）
李慧慧：啲劫匪实落油镬咖……早知，你太太俾个袋佢咪算啰……
赵清泉痛苦。
[老婆画外音：老公，你至恨嘅casio绝版老掌机，咿家就喺我手袋，等我返来吓。]
李慧慧：对唔住啊，我系咪讲错嘢啊？
赵清泉：冇，今日多谢你。
李慧慧欣喜。
赵清泉起身离开。
李慧慧望赵清泉背影。
5、家 日
李慧慧与张若琳对坐。
张若琳：哗，嗒晒糖咁，同你英雄哥有进展啦。
李慧慧：佢真系好man，我咁大个女未见过啲唔怕死嘅人。
张若琳：嗰次我俾贼打荷包，吓到我周身震，你知个贼几嚣啊，佢拧转面笑我冇胆啊。
李慧慧：等佢哋嚣啊哪，全世界动员煮死佢哋。
张若琳：咿家政府话，重奖见义勇为?。
李慧慧：专家仲唐三藏咁系度喑，要完善英雄嘅保障啊嘛。
张若琳：网民至激动啦，有的指天督地，有的一勺眼泪。
李慧慧：有鬼用咩，至紧要俾啲英雄升官发财、荣华富贵。睇我啦！
李慧慧在自己单位打电话。作胜利状。
[旁白：李慧慧给赵清泉的单位打电话，声情并茂地渲染了一番赵的英雄事迹，拍着胸口留下联系方式以作证明，强烈要求予以表彰赵清泉。]
6、赵清泉单位写字楼 日
赵清泉在洗手间洗手，停下，侧耳听，皱眉，镇静下来，稳步走出去。
[年轻女同事画外音：哗！清泉抓贼啊？好型啊！
男同事画外音：对赵清泉起痰啊？细路女唔识世界，都唔知系真系假，佢系俾人诬陷仲系真嘅……吓？呢啲嘢讲唔清嘅。
中年女同事画外音：人哋做好事都阿之阿左？睇你几时俾贼偷。
男同事画外音：陈姨，知你同赵清泉阿妈交情厚，都唔使咁来咒我啊嘛。]
总经理办公室的门打开着，赵清泉敲一下门。
总经理热情地招呼他进来。
赵清泉：钱总，有事揾我啊？
钱总：清泉，听讲你抓贼做英雄?。
赵清泉谦虚。
钱总兴奋：如果前一排我哋产品上市嗰时，你抓吓贼，再策划一下，宣传吓我哋公司，哗，咁又系一条思路啊。
赵清泉无奈附和。
钱总：所以呢，做乜嘢都要讲究投入产出。听说，抓贼嗰时，你唔见咗份月度工作报告?，有冇咁回事啊
赵清泉：我一定加班搞番掂嘅。
钱总指着他：千奇冇迟啊，规章制度，冇例外咖。
赵忙点头。
钱总站起来：见义勇为呢，公司实支持咖，不过呢，要搞好工作先，你都要顾住自己安全啊。
赵清泉站起来致谢。
钱总：炳啲贼系咪好爽啊？一拳过去，（冲赵清泉比划）打到个冚家铲呢……
赵清泉陪笑。
[主持人：钱总这人挺有意思的，一方面也痛恨窃贼，另一方面却利字当头，并不打算提供温暖人心的理解与力所能及的支持。这令李慧慧的美好愿望，就像肥皂泡一般，刚碰到坚硬的现实，就破了。而她对这个几乎是必然的命运，并无准备。]
7、餐厅 夜
李慧慧看到赵清泉，活泼地招手，走过去坐下。
李慧慧：咁快升官发财啦？点啊？领导点讲啊？
赵清泉：你份人都几现实嘅啵。
李慧慧：呢个叫做脚踏实地，你阿妈冇教你啊，跌落地都要乸返柞沙，何况做好事。
赵清泉目光一闪：可惜你打错算盘啦，啲同事都喺度唱我。
李慧慧：闲杂人等阿之阿左咪当搔痕啰，至紧要领导点睇，佢唔支持你咩？你系咪唔识凼领导开心啊？
赵清泉：我唔系你啊。我抓贼根本就唔系为咗拍马屁、升官发财。
李慧慧：喂，我为咗你有保障咋，你唔想好人有好报咩？
赵清泉：系唔系冇好报你就不做好人？！系唔系冇保障你就唔去救人？！
李慧慧：系！我系！
赵清泉：我同你唔同。我做人尽自己嘅职责，至于人哋有冇尽职责，社会有冇尽职责，政府有冇尽职责，都唔会影响我。
李慧慧：你系咪觉得我好自私，好功利啊？
赵清泉淡然直视她：我知道你系一番好意，不过，请你唔好再扬呢件事啦。
他站起来离开。
李慧慧急切地：系唔系我做错咗嘢啊？单位俾好大压力你咩？
赵清泉回头：唔系。
李慧慧痛苦：咁你点解咁嬲？
赵沉默，转头离去。
8、赵清泉家 夜
赵清泉刚开门，母亲就急切地走过来。
母亲：你去抓贼啊？仔？仲俾啲贼诬陷啊？哈？（拉着儿子上下看）
赵清泉拉母亲坐下：你冇急啦，你有心脏病咖嘛，话咗你几多次啦，有咩事哎我点算呢。
母亲：我过话咗你好多次咯，识番过女仔，唔好成日谂住以前啲嘢啦，你有咩事又哎我点算啊？
赵清泉：系咪陈姨同你噏咖，唉，越传越离谱，我系撞啱阿sir捉贼——
母亲：你唔使作古仔啦，你自细唔识讲大话，又自细咁硬颈，不过你细个时好钟意笑咖，新抱冇咗，你就未笑过——
赵清泉：妈，你冇讲啦。
母亲哭起来：我新抱咁好，仲啱啱有咗……呜……
母亲按着胸口说不出话，赵清泉忙拿硝酸甘油片，放到老人舌下。过了一会，老人缓过来。
母亲气若游丝：鬼叫我哋系平头老百姓啊，咪由得佢哋锯啰……
赵清泉一边替母亲按摩后背至阳穴，一边暗自咬牙，目露仇恨。
9、李慧慧家 日
李慧慧摘花瓣占卜。
[李慧慧画外音：离开佢？
张若琳画外音：英雄啲构造真系有啲奇怪啵。佢会唔会净系挂住同贼斗，斗到连命都冇呢？
李慧慧画外音：唔离开？
张若琳画外音：佢又会唔会成世挂住死咗嘅老婆，当你隐形呢？]
电话铃忽然响，李慧慧吓一跳。
李慧慧：喂？
赵母：系唔系李小姐啊？我系赵清泉嘅阿妈。
李慧慧马上打起精神：auntie你好。
赵母：听清泉啲同事讲，佢帮你攞番个荷包，唉，佢琴日俾啲贼打啊……
李慧慧：啊？佢有冇事啊？
赵母：骨都断埋，咿家瞓喺XX医院，唉，我一个百爷婆都唔知点算啊……
李慧慧：我即刻去睇佢。
10、医院 夜
李慧慧提着水果篮张望病房。只见赵清泉头缠绷带，正扭头看桌上。李慧慧松一口气，又犹豫起来。忽然听到赵清泉喊自己的名字，李慧慧装讶异。
李慧慧：乜咁啱啊？我啱啱来探朋友……
赵清泉：你可唔可以倒杯水俾我啊？我好颈渴。
李慧慧二话不说，放下水果篮就去倒水。
赵清泉接过水，一气喝干，舒了一口气。李慧慧看着他，泪下。
李慧慧：乜搞成咁啊……
赵清泉轻笑：琴日我去番广场抓贼，我都做咗准备咖啦，带埋刀，点知帮贼仔人多……
李慧慧：你仲带刀？！你一个人点斗得过佢哋啊？
赵清泉：你咪探朋友吤？快啲去啦。
李慧慧：你冇虾人啦！
李慧慧抽泣，赵清泉不知所措。
赵母提保温瓶欲进，见李哭泣，打量李慧慧。
赵母：你系咪李小姐啊？
李慧慧忙抹泪。
李慧慧：系，你系auntie下嘛。
赵母：我煲咗啲汤，搞到咁晏。
李慧慧帮赵母放好汤。
李慧慧：我来煲得啦，auntie你冇咁操劳啦。
赵母：咁点好意思啊，李小姐真系乖女嘅嗻。（拉着李慧慧的手，喜滋滋打量。）
李慧慧不好意思起来，与赵母温馨告别。
赵母连忙审问赵清泉。
赵母：你同李小姐行紧啊？
赵清泉：你冇乱谂嘢啦。
赵母：我见佢喊啊。女人为男人喊，非同小可。仔，李小姐人品好好，我一哎就来，你要上心啊。
赵清泉：咁就算人品好啊。
赵母：梗系啦。唔系个个都同你咁，担屎唔偷食咖嘛。担蛋糕唔偷食，就已经好难得啦。
赵母兴高采烈地装汤。
赵清泉也高兴起来：今日咁精神嘅，妈。
赵母：你有女朋友，我梗系精神啦。李小姐实系好新抱，你睇佢：凤头龙瞳、鼻如悬胆、唇红齿白、双耳朝海……
赵清泉低头。
赵母：阿泉，新抱系天堂，一定望你平平安安开始新生活。
赵清泉：我点可以眼白白睇住自己老婆就咁死咗呢。
赵母：好似我哋的老百姓，过得开开心心就系最好嘅报复。新抱一定唔想你为咗报仇，命都唔要，乜都不理，唔值得咖。
赵清泉沉思。 |
|
发表于 2009-10-30 14:48:53
|
发表于 2009-10-30 15:03:12
|
|小黑屋|手机版|Archiver|广青启智服务总队、启智社会工作服务中心——志愿者协会义工、公益爱心网，咨询电话：1986-001-1205【联合国会议通过：1986年12月5日是第一个国际志愿者日】（办公时间10:00-17:00）
( 粤ICP备11064003号★★工作再忙，也要及时行善★★【做合格党员，做志愿者，做合格公民，做志愿者】 )本网站实行严格审核加入制度，如果你无法注册发帖，请咨询QQ群：102626，邮箱：qizhi@1205.cn
，联系电话：1986-001-1205【联合国会议通过：1986年12月5日是第一个国际志愿者日】（办公时间10:00-17:00）
IP卡
狗仔卡
