推广、捍卫广州本土文化，大家都要出力~！

tear

    广州一向係包容能力好强嘅城市，但係随住人口、文化嘅交流日益频繁，广州嘅本土文化畀外来文化日渐侵蚀，丧失本来嘅活力和光辉，如果哩个时候我哋重唔同心协力一起捍卫广州嘅文化，可能本土文化嘅消亡就会提前嚟到！汉服文化尚且有甘多嘅支持者嚟力撑，而令人感到悲哀就系发扬广州嘅本土文化嘅组织居然少之又少，最为大家熟悉莫过于《新闻日日睇》嘅节目；《唱好广州》嘅东山少爷及其制作人。大家有没谂过其实你都可以为捍卫我哋嘅文化出一分力呢？香港大部分嘅文化都系深受我哋广州文化嘅影响，谂唔到今时今日我哋居然羡慕起香港嘅本土文化，其实我哋广州嘅本土文化一啲都吾输赊，只不过一直都冇被大家提炼同宣扬！曾经有几多被遗忘嘅历史、街道、传统嘅手工艺制作、美食……，今天我哋要将佢地重新一一发现！除咗成日口口声声讲，更需要我哋身体力行去发现、细味、发扬！发现广州精神，捍卫本土文化需要大家嘅参与！

活动一“广州元素”：
广州话、凉茶、烧鹅、牛杂、饮早茶、北京路、莲香楼、陶陶居、古老西关大屋……除咗哩啲事、物，重有咩元素可以代表广州呢？我哋齐齐拿起相机、DV，一于将可以体现广州文化嘅人、物、事记录！重新发掘广州人嘅精神，大家一齐嚟收集最具有广州最有代表性嘅相、短片（人、食物、建筑物、消失及将要消失嘅老街旧巷、手工艺……），另附文字解释、说明,可以係曾经发生嘅故事或你自己对佢嘅感觉
活动二“广州故迹”：
收集关于广州一直流传嘅神话传说，一哋街道、建筑名字由来及历史古迹（附旧相、新相就更好）
活动三“齐话话”广州话：
话明捍卫本土文化，就一定唔少得广州话旮旯！广州文化最根本就係广州话，而广州话入面成日都有一啲 “了愣”嘅方言，“骑呢”嘅字，希望各路人马施展浑身解数可以稳出佢哋嘅解释及由来,如“巴闭”、“牙檫”，越详细越好；有关广州话嘅笑话都OK嘅
活动四“美食广州”：
俗语有云“食在广州”，广州咁多好嘢吃，我哋梗係要鑽窿鑽嚹揾翻啲广州好有代表性嘅美食同小食啦 ！每月一次一齐去FB，人数10人左右，费用自理，除到食之外重要将巨地个靓样影低，做法，食后感一一记录！欢迎大家踊跃报料！报料人优先参加此次活动。
活动五“小菜一碟”：
收集一啲你食过或者知道做法但係而家好少人做，就快失传嘅地道广州菜、小食嘅做法，等我哋一齐延续佢地嘅生命啦！
活动六“童年时光”：
曾经有几多首陪伴住我地长大哋童谣、游戏同急口令，你重记5记得呢？收集你细细个中意玩嘅游戏同成日唱嘅歌仔，等我地一起来集体回忆下啦。
活动七“寻找广州伟人的足迹”：
处于沿海地区嘅广州，思想开放创意无穷，从古到今出现嘅名人伟人不计其数。我地每三个月选一位名人或伟人，沿着佢嘅足迹游览他所到之处，用另一个角度去了解佢嘅一生
活动八“彩粤风华”：
粤剧、广彩、广绣、牙雕……哩啲行业都曾经一时辉煌，但係都抵挡吾住历史嘅洪流而变日益息微，风光不再。佢哋见证广州嘅成长，亦系广州本土文化不可或缺的部分，面对传承、发展的问题，我哋係唔係更应用心关注呢？欢迎有心人提供广州民间艺术工艺行业人嘅现状及从事人员嘅心路历程，等我哋更深入了解广州嘅民间工艺！只有创新改革先至有发展嘅出路，我地又点样先可以复兴哩啲行业，欢迎各路高人出谋划策！
活动九“风言风语”：
“各处乡村各处礼”唔同嘅地方的礼节风俗都唔一样，而广州嘅风俗文化又是怎样嘅呢？广州结婚时嘅程序究竟係点嘅？有咩该做有咩唔该做？过大礼又係点样一回事呢？又点解要过大礼阿？相信呢啲问题，我地年轻嘅一辈都没几个答得出，等我哋一齐嚟寻找广州特有或一直保留的文化传统、礼节！欢迎大家提出更多嘅问题，亦欢迎更多知道“内情”嘅人为我哋揭开谜底！

活动十“脑作”：
东山少爷嘅《唱好广州》都得到好多人嘅支持，但除咗支持本地创作，更要支持本地嘅创意行业！甘先可以为我哋本土文化注入更多多元化嘅元素同活力！广州本地有唔少年轻人都好中意DIY，所以就有唔少嘅本地好有创意嘅创作团体出现。欢迎大家穿街过巷细细搜刮哩啲团体，等佢地嘅作品公诸同好，畀更多人认识！
同时本地好多艺术创作团体都不为人熟识，欢迎哩啲团体将自己嘅简介及情况发来畀我地等更多嘅人了解同认识！
活动十一“漫画广州”：
相信吾少70年代末同80后嘅一代人都系日本嘅漫画文化入面浸大嘅，所以本土嘅漫画都受日本嘅漫画影响，但当个个都画紧“日式”漫画嘅时候，广州其实都有唔少漫画家一直坚持自己嘅漫画“本土化”，佢地嘅精神同坚持嘅态度真係好值得我地学习！而佢哋更加需要我哋嘅支持先有更多嘅动力继续甘画。
同时吾少伽COSPLAY团体都不遗余力地推动广州漫画业嘅发展，因为有佢地，广州嘅漫画业先更加精彩同有活力！欢迎大家报料将哩班漫画家同COAPLAY团体逐一“曝光”，同我哋“漫画”广州。
活动十二“涂鸦广州”：
无论你中唔中意涂鸦，但你唔可以唔承认涂鸦已经成为广州嘅一道风景线。其实好多时创作者将自己身边发生嘅事反复提炼，将自己嘅观点同睇法浓缩喺哩一幅画里面再表现出来，所以一幅幅涂鸦就係作者对社会嘅呼声，涂鸦都系表达自己观点嘅一种表现形式嚟嘎。涂鸦零散咁遍布广州每个角落，欢迎大家一同收集哩啲对社会发出的呼声！更欢迎哩啲涂鸦团或体个人来参加我哋嘅活动，将自己嘅作品上传，揭示背后嘅意义！
点样参加呢次活动？请你将自己嘅所见所闻，所知所想同其他相关资料发EMAIL到gd24wei@163.com ，我地会将你哋发嚟嘅资料整理放到喺博客上畀大家共享，博客地址http://blog.sina.com.cn/gd24wei如果参加反应踊跃我哋更会定期制成电子杂志，方便大家收藏！以上嘅活动有可能唔全面地反映到广州嘅文化，如果有遗漏或者你有咩好“桥”，好玩嘅活动可以让大家更加体会到广州嘅文化欢迎你地发只“猫”嚟啦！
“广州廿四味”现在公开招募志愿工作人员同志愿记者(每个活动1-2名采访记者)，只要你对广州有心都可以参加，请将个人资料连同相片发到上述邮箱！有你嘅加入，哩个活动会变得更精彩！
“广州廿四味”—个捍卫本土文化的活动，欢迎各位热爱广州的本土居民、外地朋友；想深入了解广府文化嘅有志之士参加，实行有“桥”出“桥”，有力出力，力撑广州本土文化，我地不遗余力！“广州廿四味”我地一同细味、分享广州嘅甜、酸、苦、辣嘅成长及光辉历程。

忘了时间的钟

广州同时系一个包容的城市。
文化变迁和发展无可避免，随着现代社会的发展，文化淡薄任何一个文明都不可逃避。
大至玛雅文明，小至广州文化，传统的东西剩下来需要继承的太多了。

乌托邦

***** 版主模式 *****

<a href=topic.cgi?forum=8&topic=6308>该贴子已被管理员转移，请点击这里查看</a>